رئيس الوزراء: سيتوجب علينا التعامل مع الهبوط غير المبرر في سعر صرف العملة الوطنية، باعتباره معركة توازي في أهميتها المعركة العسكرية القائمة لاستكمال استعادة الدولة وإنهاء الانقلاب.

اها كذه طمنتنا مادام وبتتعاملوا مع انهيار الريال مثل ما تعاملتم مع معركة البيضاء، كذه الواحد يحط ببطنه بطيخة صيفي.

بالمناسبة تابعت عدد كبير من المنشورات اللي تتكلم عن السبب الحقيقي لهزيمتهم في البيضاء وضحكت.

بيستخمروكم بمنتهى الوقاحة..

قلك إن مطاوعة ال حميقان قرروا كذه من راسهم  بدون مايستشيروا حد، فجأة وبدون اي سبب يبدأوا حرب لتحرير البيضاء.

وإن وعدد من الألوية في الساحل قررت كذه فجأة من رأسهم وبدون ماتستشير حد تسيب مواقعها في الساحل وتقطع نص اليمن لتنضم للسلفيين اصحاب البيضاء.

وبدأوا حرب كبيرة، وفي يومين حققوا تقدم كبير وشلوا اهم مديريات.

وبعدين كمّلت عليهم الذخيرة وهربوا وسيبوا المناطق اللي شلوها.

بتذكرنا هذي المعركة بالحرب اللي ابتدأت في نهم فجأة على اساس بتتقدم نحو صنعاء وفي يومين فلتوا كل شيء وانسحبوا من نهم والجوف ونص مأرب.

مافيش حاجة في اليمن بتحصل كذه عبط وهبالة.

هو نفس المخرج اللي طلّع الدولار بدون سبب مفهوم من 600 ريال إلى 1000 ريال، هو نفس المخرج اللي جابهم من الساحل للزاهر.

اما اصحابنا فمستحيل يعملوا شي من راسهم.